البشير يتهم  عقار بتجويع وتشريد مواطني ولاية النيل الازرق

قال : لولا التمرد كنا نكون في وضع مختلف

159

إتهم الرئيس السوداني، عمر البشير ، رئيس الجبهة الثورية ، رئيس الحركة الشعبية لتحرير السودان شمال، مالك عقار بتشريد، وتجويع ، وزعزعة أمن مواطني ولاية النيل الأزرق ، وتحويلهم لنازحين في معسكرات النزوح .

وقال البشير في خطاب جماهيري ، في ولاية النيل الأزرق ، الثلاثاء، “نتذكر بداية تمرد مالك عقار في  النيل الأزرق، زول كان حاكم وراكب لاندكروزر الحكومة ورافع بيرق حكومة في عربيته وياخد سلام من الكركون، برضو مشى اتمرد نقول ليهو عملت شنو يعني ، شردت اهلك وجوعتهم وزعزعتهم وحولتهم لنازحين وشحادين ما بتشبهنا”

واضاف “مافي تمرد تاني ، ومافي نزوح تاني ومافي معسكرات اهلنا بهناك يجوا النيل الأزرق طوالي راجعين  مرحب بيهم ، ونتعهد نوفر ليهم كل احتياجاتهم، نأكلهم ونسكنهم  نقدم لهم تنمية كاملة”.

وأضاف البشير :” نقول للشايلين السلاح والله اخرتوا البلد لولا التمرد كنا نكون في وضع مختلف”.