شاعرة سودانية تجسد أحزان أبو عركي

2٬394

الخرطوم “تاق برس” – جسدت الشاعرة، والكاتبة الصحفية السودانية، هادية قاسم ملامح الفنان أبو عركي البخيت بعد نشر صورة له يظهر فيها ملتحياً وأشيب الشعر، وكان محبو الفنان الذي لا زال حزيناً على رحيل زوجته د.عفاف الصادق حمد النيل، قد أبدوا قلقهم على صحته ليخبرهم أنه بخير وصحة جيدة.. هادية طوعت كلماتها في قصيدة جديدة بعثت بها عبر (تاق برس) وهذا بعض ماجادت به قريحة الشاعرة :

بدون عينيك تشيخ اوطان وتتكاثر خلايا الهم

بدون عينيك يضيع عمري ادوبي حزن حنيني نغم

تراني بغني وسط الناس يشد ساعد القوافي النم

أضحك ومن وراي ممكنون وليلي بلاكِ حسرة وغم

عفاف أرجيني كان أقدر أحلق في براحي عشم

وكيف أقدر ولا عارف دموع عينيا هطلن كم

وكت إنهدّ صرحي وراك جفّت في الخلايا الدم

ولسة بغني ما مليت زادي الطيف وبينا حلم

بتسألي عن ملامحي وراك أقولك وشن أقول تاني؟

بقيت في لجة الأشواق براي والله وحداني

تسوقني الذكرى والكلمات أخاف يهتزّ إيماني

أسرح بين خطوط الخوف تبكّي رويحتي ألحاني

وأنادي عليك أقيفي شوي عشان ماتقسى اوطاني

وتسألي إنتي عن ذاتي وعن عمراً بلاك فاني

وسر الحزن في القسمات رحيلك إنتِ هدّاني

كم جفت بحوري كمان فراق النسمة بكاني

وانا القايل ح تبقي معاي وتوهبي لي عمر تاني

بتسألوا عن مشيب الرأس؟ وخاوي بلاها وجداني !!

أخبار ذات صلة المزيد من الكاتب

error: Content is protected !!