في خطاب امام قواته.. حميدتي يتحدث عن الخلافات مع الجيش والمكنكشين في السلطة

1٬813

الخرطوم- تاق برس- نفى نائب رئيس مجلس السيادة، الفريق أول محمد حمدان دقلو “حميدتي”، وجود أي خلاف ما بين الدعم السريع الجيش.

وقال حميدتي في خطاب امام قواته بمنطقة كرري في أم درمان، اليوم الثلاثاء: لا يمكن أن نختلف مع الجيش، نحن خلافنا مع الناس المكنكشين في السلطة ديل”.

وتابع “ما تسمعوا الكلام الفي الإعلام ده، نحن ما عندنا أي خلاف مع الجيش، ناس الجيش ديل إخواننا ونحن بنتقاسم معاهم النبقة”.

ووجه حميدتي قواته بعدم الاشتباك مع الجيش، وأضاف “ويا قوات لو أي واحد من ناس الجيش أداكم كف، أدوه خدكم الثاني”.

وأعلن حميدتي دعمه للديمقراطية والتحول المدني، وأضاف “يا جماعة الديمقراطية سمحة وبتنفعكم انتو ديل، والعالم كله مع الديمقراطية، الأمريكان والأوروبيون وحتى ناس الخليج المشينا ليهم، كلهم قالوا لينا شكلو حكومتكم المدنية حتى ينصلح الحال وتتحسن الأوضاع.

واضاف “من غير حكومة مدنية مافي أي دعم دولي ومافي أي مشاريع نهضة تنموية للسودان، ومافي إعفاء للديون”

whatsapp
أخبار ذات صلة