حميدتي للشعب السوداني : زول شغال بيكم مافي والناس دايرة تتمكن في الكراسي والفاس وقع في الرأس نحن خجلانين ونعتذر ليكم

الخرطوم “تاق برس” – اقر نائب رئيس مجلس السيادة الانتقالي في السودان محمد حمدان دقلو حميدتي بتدني تقديم الخدمات المطلوبة للمواطن وتحقيق الرفاهية له.

وأضاف بحسب وكالة السودان للأنباء: (نحن خجلانين ونعتذر للشعب السوداني لعدم توفر الخدمات).

وقال مخاطبا الشعب السوداني ” زول شغال بيكم مافي الناس كلها دايرة تتمكن ودايرة الكراسي بس”.

واضاف “كل الناس عاوزه تتمكن وعاوزه كراسيها وما منتبهة للشعب وعندما يحصل على الكرسي لا يعمل الا لمصلحته فقط.

وقال إن الخروج من هذا الوضع بأن نتفق جميعا وان اي شخص يريد الانفراد بالسلطة وحده لن يقدر وأنه لابد من أن نضع يدنا فوق بعض ونتفق ونتكاتف.

وأضاف حميدتي أن الفاسد فاسد ومهما كان يجب محاسبته و”مافي زول يداري  ليه” عن فاسد ولكن ما نستهدف الناس كلها.

وقال “نصيحتنا وارائنا غير مقبولة إلى أن وقع الفاس في الراس”.

وشدد على أهمية الاتفاق من أجل مصلحة الوطن.

 وأشار أن ابواب مجلسي السيادي والوزراء مفتوحة لمناقشة كافة قضايا الوطن.
وشدد على معالجة موضوع الدين بالمنطق والحجة والجلوس مع مجلسي السيادة والسلام حول هذا الموضوع.

وقال إذا مشينا في معاداة الشيوعيين والإسلاميين واليساريين والله البلد دي تصل سوريا ويضيع فيها المساكين.

وقال إن الطرق الصوفية توب نضيف وما عاوزين يحمل أي غبار .

وقال “الشعب السوداني غير محظوظ، الدولار مفروض يكون ب 20 جنيه واليوم ب 400 جنيه.

لمتابعة اخبارنا انضم الى مجموعاتنا في واتساب
أخبار ذات صلة
تاق برس
error: Content is protected !!