ترك يهاجم حمدوك : كنا قايلنو زول مهذب خدرنا لف بقضية شرق السودان و يدعو انصاره لتتريس واغلاق الطرق والموانئ ويهدد بالقوة
الخرطوم “تاق برس ” – هاجم رئيس المجلس الأعلى لنظارات البجا والعموديات المستقلة ؛ محمد الأمين ترك رئيس الوزراء ؛ عبدالله حمدوك.
و استنكر ترك خلال مخاطبة جماهيرية بمدينة بورتسودان ظهر اليوم “الخميس” ربط رئيس الوزراء للمحاولة الانقلابية بالأحداث التي يشهدها الإقليم الشرقي ، و أضاف ” رئيس الوزراء مشينا ليهو كم مرة يبدو لي كان بخدعنا و كان بدينا حبوب مخدرة”.
وتابع “حمدوك رجل خطير سكوتو قايلنو زول مهذب و يقود البلد و لذلك لف بالقضية الأساسية عشان يحرض الشعب السوداني و المجتمع الدولي عشان كده نحن حنترس زيادة و نغلق الشرق تماماً”.
و قال ترك بحسب موقع باج نيوز “إذا صح الاتهام فذلك يعني أن المحاولة لم تفشل و أضاف ” إذا كان الشعب جزء من الانقلاب والخيانة التي وصفتها به فهم ها هنا الآن قفلو المطار و حيقفلو بقية الموانئ”.
وطالب حمدوك بإثبات اتهامه و محاكمتهم أو تقديم استقالته معلناً رفضهم استقبال وفود من الحكومة المدنية و أضاف ” لأنو حمدوك اتهمنا بالانقلاب حتى الأمين السياسي بتاع حزب الأمة قال اضربوهم في التلفزيون فلذلك لا نرجى خير من الأحزاب و هذه المجموعة”.
وقطع بأنهم ألغوا مسار الشرق في اتفاقية جوبا عملياً و أضاف “المسار لغيناهو ما بنرجى من زول يلغيهو ، الما داير يلغي ياخدو بالقوة” ، مطالباً أنصاره بإغلاق الأماكن التي تبقت في الإقليم و قال ” إذا في حته ما اثرت دايرنكم تلحقوها و تتقفل و انتو تدركو تماما كملو الباقي كملوهو”.
