عاجل .. حميدتي يفتح النار و يهدد بنشر اجتماعات المجلس السيادي مع المدنيين ويكشف عن طلب بعض المدنيين تمديد الفترة الانتقالية إلى 10او 15 سنة ويقول : ما ممكن جهة تهيمن على السلطة وتسلط وتمكين كان نخلي عمر البشير ويهاجم محمد الفكي “ما قدمت السبت زول بهب ليك مافي”

الخرطوم تاق برس- واصل  نائب رئيس مجلس السيادة الانتقالي في السودان محمد حمدان حميدتي دقلو هجومه على المدنيين وهدد بكشف كل الاجتماعات مع المدنيين ليعلم الشعب المخطىء من الصائب وكشف عن مطالب بعض المدنيين بأن تكون الفترة الانتقالية بين 10 – 15 سنة.

وقال حميدتي في خطاب بحشد جماهيري في كرري بأم درمان اليوم الثلاثاء، الساحة فيها مشاكل كبيرة؛ طبعا اي تغير فيه إفرازات؛ لكن الشعب السوداني معلم.
نقول يمكرون ويمكر الله ربنا يمهل ولا يهمل؛ كلامنا صادقين فيه وليس نفاق وربنا يكتشف اي شيء.
دا الشعب السوداني؛ الكاكي ليس جريمة.
موضوع الانقلاب؛ ليس جديد؛ شغال منذ أشهر بسرية تامة.
الانقلاب والسابق؛ الموجه واحد.
نحي الشرفاء؛ من القوات المسلحة الذين حقنوا دماء الشعب؛ والله الحكاية دي لو انتهت لدينا اثنين بس نصر أو شهادة؛ ما تالت.
الوطنين موجودين. ناس نادت ونحن لم نحتاج لها؛ لمن تنادي؛ هبوا لحماية ثورتكم.
اللي قدم السبت يلقى الأحد؛ كل يوم تفتح مستشفى وكبري و منشأة جديدة.
حينها الشعب لم يهب فقط وإنما يشيلك فوق. لكن انت ما سويت كل هذا مافي زول يهب ليك؛ ما تشقونا؛ الشعب نحن جزء منه.

تطبيق الوثيقة؛ تطبقها ومعها اتفاق السلام؛ الاتفاق يقول الولاة مكلفين؛ كلنا التغيير يتم. مافي تغيير ولاة مكنشكين.
الولاة 8 شهور وداخلين في هاوية.

مجلس الشركاء.. قالوا فيه كل القرارات وتنفذ؛ ثم قالوا مجلس للتشاور والجودية.

المجلس السيادي نحن ناس تشريفيين ما عندنا اي حاجة؛ ونتلام لماذا.. مفروض تكون في مواجهة وحساب لنا كلنا عشان مين الغلط ومين الصاح.

المسار لازم مشاركة كل الناس؛ ما دايرين مشاركة ناس دون رؤية.
عاهدنا ربنا ان نوصل هذه البلاد لحكم ديمقراطي.. لكن هذا الكلام داير برنامج؛ وهل وجدتم زول يتحدث عن الانتخابات.

الفترة الانتقالية مفروض تكون محدودة؛ ما عندها علاقة بالقوانين؛ لأننا غير مفوضين.

كعسكريين ماشين في التحول الديمقراطي وسنوصل الناس الي الانتخابات الحرة والنزيهة.
قبل سنة طرحنا ميثاق شرف عشان ما تقع الفاس في الرأس.

معاش الناس. عاملين إحصاء والله في ناس تاكل وجبة وناس وجبة واحدة ما لاقياها. وهم مسؤولية الجهاز التنفيذي.

لكن نحن كعسكريين هل يجب أن نصمت لا لا ابدا الكلام دا ما صحيح؛ وربنا بيسالنا بالطريقة الماشة دي.
وقال حميدتي مخاطبا المكون المدني: واحد منكم جاني قالي عايزين الفترة الإنتقالية دي تستمر 10 الى 15 سنة.
وقال حميدتي حندي الإعلاميين “فلاش” فيهو كل الاجتماعات منذ البداية، لكن تبثوه كامل عشان الناس تعرف الغلطان منو
حميدتي: “ما ممكن جهة قليلة تهيمن على السلطة وما يسألوها؟! طيب ما كان نخلي عمر البشير”
حميدتي نحن جاهزين للمكاشفة وكافة إجتماعاتنا معهم مسجلة وندعو لبثها للجمهور نحن مع الحكومة المدنية عبر إنتخابات حرة وديمقراطية …
السودان لن يحكم بالقوة ونحن جاهزين وثاني ما بنرجع وراء