البرهان يهدد بازالة سوق الرتج ويبعث رسائل حاسمة في زيارة مفاجئة لمحلية حلايب شرقي السودان..تاني ما بنخلي زول عنده بندقية

حلايب – متابعات تاق برس – وصل رئيس مجلس السيادة الانتقالي قائد الجيش السوداني الفريق اول ركن عبد الفتاح البرهان الى محلية حلايب في زيارة مفاجئة لمنطقة الرتج على الحدود المصرية.

وقال ” نحن من قمنا البشاريين والرشيادة عايشين مع بعض في البحرالاحمر وكسلا  والجيش الجاكم دا ح يقعد تاني م بمشي وبعد شوية م بنخلي زول عندو بندقية، كلكم سودانيين اي زول يقعد محل بريحو | لكن في نظم ولوائح منظمة فقط |

وبعث البرهان رسائل للتجار والعاملين في التعدين التقليدي بسوق منطقة الرتج، وقال سوف نفوض الاجهزة الامنية ثلاثة اشهر معها السلطات الحكومية في ولاية البحر لضبط اي مظهر للتهريب والفوضى في سوق الرتج والتهرب من الضرائب والرسوم الحكومية واذا رفض التجار والمعدنين الالتزام انا بفرتق السوق دا بي نفسي”وزاد السوق دا سوق دولة وطالب بحصر المتواجدين في السوق باروارق رسمية عبر المحلية وتأخذ امواله منه كل شهر على ان تذهب لتنمية مجتمع المحلية.

وقال بعد تلاثة اشهر اذا مضت الاوضاع بشكل جيد واذا تعثرت نوقف السوق اذا تحول الى بؤرة فساد وتجار متهربين من الضرائب واموال الحكومة  وبعدها بنشوف معالجتنا نحن معاهم.

واضاف البرهان ” سوف ندرس الاوضاع في المنطقة مع السلطات الحكومية وزاد فعلا المناطق دي محتاجة انه نجلس مع الناس ونشوف مشاكلهم ونعالجها وزاد ” انتو اهلنا واسياد بلد حافظوا على بلدكم التعدين العشوائي الكثير والساينايد المتصرف في الخيران سوف يضركم مستقبلا والخجمة الكتيرة على الذهب اصحاب الحواكير حافظوا عليها ما بعد 5 سنين تفقدوها حافظوا عليها لانو اولادكم بكرا بلقوا البد فاضية ما تخلوا التعدين العشوائي ينتشر ما تاخذوا حقكم بي يدكم خلو الحكومة تاخذ الحقوق.

واعلن البرهان عن توحيد الجيش والشرطة في سوق منطقة الرتج وسوف تكون كلها تابعة لولاية الحبر الاحمر وتكون القيادة تابعة لولاية البحر الاحمر.

ووجه بفتح الوحدة الادارية وعمل مركز صحي واسعاف وتقدم خدمات للمواطنين في المنطقة.دعونا نتعاون كلنا نطرد العدو الجاي